ગર્લ્સ હોસ્ટેલમાં હિડન કેમેરા લગાવી 1200 છોકરીઓના નગ્ન વીડિયો ઉતાર્યા

કર્ણાટકમાંથી એક ચોંકાવનારો કિસ્સો સામે આવ્યો છે. અહીં પ્રાઈવેટ કોલેજના એક વિદ્યાર્થીએ છોકરીઓના અર્ધનગ્ન હાલતમાં વીડિયો રેકોર્ડ કર્યા છે. જેના આરોપમાં તેની ધરપકડ પણ થઈ ચુકી છે. પોલીસે આ વાતની જાણકારી આપી છે. પોલીસે જણાવ્યું છે કે, વિદ્યાર્થી પર આરોપ છે કે, તેણે કથિત રીતે હોસ્ટેલની વિદ્યાર્થિનીઓના વીડિયો રેકોર્ડ કરવા માટે વોશરુમમાં હિડન કેમેરા લગાવ્યા હતા. સાથે જ તેણે 1200થી વધારે અર્ધનગ્ન વીડિયો અને છોકરીઓની તસ્વીર રેકોર્ડ કરી છે. પોલીસે જણાવ્યું છે કે, પકડાયેલા આરોપીનું નામ શુભમ એમ આઝાદ છે.

પોલીસે જણાવ્યું છે કે, શુભમે પોતાની ગર્લફ્રેન્ડની પણ અર્ધનગ્ન તસ્વીરો ક્લિક કરી હતી. તેનો આરોપ પણ આ યુવક પર લાગ્યો છે. પોલીસના જણાવ્યા અનુસાર, તે હાલમાં જ હોસ્ટેલમાંથી ભાગી ગયો હતો, જ્યારે અમુક છોકરીઓએ તેને હોસ્ટેલમાં હિડન કેમેરા લગાવતા જોઈ ગયા હતા. પોલીસે જણાવ્યું છે કે, હોસાકેરેહલ્લી નજીક એક ખાનગી કોલેજમાં બનેલી આ ઘટના ત્યારે સામે આવી જ્યારે અધિકારીઓએ હોસ્ટેલમાં લાગેલા સીસીટીવી કેમેરાના ફુટેજની તપાસ કરી.

પહેલા પણ પકડાયો હતો આરોપી

પોલીસે જણાવ્યું છે કે, તેણે પહેલા પણ આવું કર્યું હતું અને પકડાયો હતો. લેખિત માફીનામું અને જામીન બાદ તેને છોડી મુકવામાં આવ્યો હતો. પોલીસે આગળ કહ્યું કે, એક કોલેજના પ્રોફેસરની ફરિયાદના આધાર પર કેસ નોંધવામાં આવ્યો હતો. તેનો ફોન જપ્ત કરી લેવામાં આવ્યો હતો. પોલીસે આગળ કહ્યું કે, તેના ફોનમાંથી 1200થી વધઆરે વીડિયો અને તસ્વીરો જપ્ત કરવામાં આવી છે. પોલીસે કહ્યું કે, આરોપી પાસે અન્ય એક ફોન છે, તેમાં પણ તસ્વીરો અને વીડિયો હોય શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર