આ રિપોર્ટમાં માલુમ પડ્યુ કે, અમિત મુખર્જીને જન્મ જાત બંને કિડનીઓ એક તરફ જ છે. ડોક્ટરોનાં જણાવ્યા અનુસાર, સામાન્ય રીતે માણસને માત્ર ડાબે અને જમણે એમ બે કિડનીઓ હોય છે પણ અમિતને આ બંને કિડનીઓ માત્ર જમણી બાજુ છે અને ઉપર નીચે છે. મહત્વની વાત એ છે કે, આ કિડનીઓ એક બાજુ છે છતાંય અમિતને શારીરિક કોઇ તકલીફ નથી.અમિત મુખર્જીને થોડા દિવસ પહેલા વાયરલ ઇન્ફેક્શન હોવાથી તે સાવરકુંડલાના ડો. પ્રવિણ પટેલના દવાખાને ગયો હતો અને ત્યારે આ સમગ્ર વિગત જાણવા મળી હતી. ડોક્ટરે જણાવ્યું કે, ખુબ રેર કિસ્સામાં માણસને તેની બંને કિડનીઓ એક તરફ હોય છે. અમિતને જમણી તરફ જ બંને કિડની ઉપર નીચે છે અને બને કિડની તેનું કાર્ય સારી રીતે કરી છે.
ડો. પ્રવિણ પટેલે જણાવ્યુ કે, મેડિકલ સાયન્સમાં આને રિનલ એકટોપિયા તરીકે ઓળખવામાં આવે છે જે હજારોમાં એક વ્યકતિને હોય છે. આ યુવાન ની કિડની જમણી તરફ નીચે ઉપર ખૂબ સારી રીતે કામ કરી રહી છે પરંતુ આગળ જતાં ડિપ્રેશન જેવી નાની મોટી બીમારી થઈ શકે પરંતુ હાલ આ યુવાન એક દમ સ્વસ્થ છે.
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર
Tags: Amreli News, Doctors, Hospitals, Kidney Issue, Treatments